-
Bild 1 von 6. Beat Bundi è in pur da nursas passiunà. Bildquelle: RTR, Linus Livers .
-
Bild 2 von 6. Per vegnir a Bual sut sto la muntanera atras il vitg da Vella. Bildquelle: RTR, Linus Livers .
-
Bild 3 von 6. La via encunter Bual sut maina sper la chasa da tgira ora. Bildquelle: RTR, Linus Livers .
-
Bild 4 von 6. En zona da nursas a Vella tut che lavura ruassaivlamain. Bildquelle: RTR, Linus Livers.
-
Bild 5 von 6. Adina puspè datti peda per in discurs. Bildquelle: RTR, Linus Livers .
-
Bild 6 von 6. Suenter la dumbrada passan las nursas atras il bogn encunter la malsogna palusa bletscha. Bildquelle: RTR, Linus Livers .
Per intgins mais èn radund 400 nursas sin las pastgiras giu sut il vitg da Vella avant ch'ellas partan per ir sin l’alp Scharboda.
Prechargiar las nursas a Bual sut ha tradiziun
Il sistem da prechargiar las nursas sin questas pastgiras a Bual sut è in vegl sistem. Ina cuminanza da purs ha affittà quellas pastgiras da la vischnanca Lumnezia per pudair chargiar lur nursas pli baud.
Las nursas a Bual sut vegnan pertgiradas d’in pastur. Dapi dus onns è quai in pastur che ha er chauns da protecziun encunter il luf.
Chauns da protecziun – uss dapli che mo casualitad
Beat Bundi maina la cuminanza da Bual sut. Sco quai ch'el ha ditg a RTR saja quai plitost stà casual, ch'il pastur ha er chauns da protecziun. Cun las activitads dal luf en Surselva il davos temp sajan els dentant cuntents, ch'ils chauns èn qua. Sco protecziun cunter il luf vegn la muntanera chatschada uss mintga saira ensemen cun ils chauns en in claus.
Suenter la palusa bletscha fa il luf tema als purs
Ils purs da nursas n'avevan betg simpel ils davos onns pervi ch'els han stuì cumbatter tar lur animals la malsogna dad unglas palusa bletscha. Uss para quella dad esser sut controlla, sco quai ch’il veterinari Erwin Vincenz ha attestà. In pur ha lura manegià, che persuenter stoppian els ussa s’occupar dal luf.
RR actualitad 08:00