Legenda:
Ils pumpiers èn vid stizzar la «Casa Carigiet».
Reto Pfister, RTR
cuntegn
Surselva - Il brischament a Trun ha in connex cun «liquids inflammabels»
Il brischament da la «Casa Carigiet» a Trun stat en connex cun liquids inflammabels. Quai mussan emprims resultats da la retschertga che spezialists da la polizia han fatg ils ultims 10 dis.
Sch'i sa tracta tar ils meds inflammabels da benzin, spiert u petroli n'ha il pledader da la Polizia chantunala Marcus Walser betg pudì dir. Er davart il lieu nua ch'il fieu è rut ora na fa la Polizia chantunala anc naginas indicaziuns. La retschertga da la Polizia pertutgant il motiv dal brischament n'è anc betg terminada, ha agiuntà il pledader da polizia.
Ils 19 da favrer ha la «Casa Carigiet» a Trun brischà.
