-
Bild 1 von 5. La musica giuvenila durant l’exercizi en halla a Surrein. Bildquelle: RTR, Gionduri Maissen.
-
Bild 2 von 5. Las giuvnas ed ils giuvens musicants durant l'exercizi. Bildquelle: RTR, Gionduri Maissen.
-
Bild 3 von 5. Engaschi cumplain tar ils giuvens musicists da la «Cool Band». Bildquelle: RTR, Gionduri Maissen.
-
Bild 4 von 5. Claudio Carigiet il dirigent da la musica da Surrein-Rabius e da la Cool Band. Bildquelle: RTR, Gionduri Maissen.
-
Bild 5 von 5. La musica giuvenila «Cool Band» durant l'exercizi a Surrein. Bildquelle: RTR, Gionduri Maissen.
Suenter in concert da la musica da Surrein-Rabius ha ina gruppa da musicantas e musicants giuvens fundà la musica giuvenila. Els hajan discurrì e decidì plitost per spass, tgi che fetschia president, actuar e cassier ed uss saja tut vegnì pli serius e concret, di la presidenta, Lara Vincenz. Cun 18 onns è ella la pli veglia en las retschas.
Trenaments a Surrein
Ils trenaments da la musica giuvenila èn il mument en la halla da gimnastica a Surrein. Claudio Carigiet dirigia la furmaziun. El è medemamain dirigent da la musica da Surrein-Rabius. La dumonda da far dapli per ils giuvens saja vegnida da la giuventetgna. Perquai saja el er sa declerà pront da diriger la furmaziun, di il musicist passiunà.
Proxima producziun sonda a Trun
La furmaziun ha fin uss sunà durant la festa dal vitg da Rabius. Uss spetga la proxima producziun durant il Nordic Culinaric proxima sonda a Trun.
Ina part da lur producziun è era chantar e sautar. E quella cumbinaziun saja era in motiv, daco che la motivaziun saja gronda tar ils giuvenils. «Il pli bel è che nus vegnin cun mintga exercizi adina megliers», di Lara Vincenz.
RTR actualitad 11:00