Cumenzà a dar Golf ha Giachen Cagienard avant 11 onns. In sportist è el dentant stà sia entira vita. Gia da buob ha el cumenzà sco ballapedist e hockeyan a Trun.
Far sport cun ballas e cun bastuns, ha el pia simplamain en il sang. Sco senior da golf ha el in handicap singul da 7,2. Quai ch'è fitg bun, gie quasi unic en Surselva.
Suenter 8 emnas pausa da Corona sentan ins, ch'il schlantsch è in zic ì a perder.
audio
Finalmain puspè dar golf
ord Actualitad dals 16.05.2020.
laschar ir. Durada: 3 minutas 51 Secundas.
Il lockdown è stà in grev temp per il golfist passiunà, ma el ha chattà ina schliaziun d'urgenza:
Jau hai spetgà vess ch’i giaja puspè liber cun dar golf. Mintgatant hai jau simplamain dà in per ballas sin il prà, per betg far ruina.
Giachen Cagienard n'è dentant betg be in giugader passiunà da golf, ma er in engaschà. Uschia ha el sponsurà la rusna 10 da la plazza da golf Schluein. Cun quest sponsuradi sustegn el il club gia dapi l'entschatta.
Tgi che vul dar golf sin in tschert nivel, sto dar golf da tutta aura.