Legenda:
Ina buna chaschun per seser en ed empruar ora l'auto giavischà.
RTR, G.G. Flepp
cuntegn
Surselva - Festival d'autos Surselva
Malgrà la bellezza aura da primavaira n'eran cabrios betg fitg preschents tranter ils autos novs. Trends per l'onn 2015 èn tenor ils garaschists sursilvans plitost autos multifuncziunals e multimedials. Il trend permanent èn autos da 4X4.
Tant Remo Heisch da la garascha Auto Derungs, sco er il garaschist Aldo Beeli èn da l'avis che la glieud tschertgia vinavant autos spargnus e cumpacts.
Er sch'ils garaschists han preschentà a l'exposiziun ils pli novs autos, na gieva quai als visitaders betg mo per quels. Blers dad els èn er vegnids per la cumpagnia ed han cumbinà quai cun l'interess per ils autos. Quai è tenor ils garaschists er l'intenziun dal festival e na betg principalmain da far la gronda vendita sco anc avant 30 onns.
