-
Bild 1 von 3. Dapi 12 onns dirigia Umberto Camathias il Chor viril Laax. Bildquelle: RTR, Gion Hosang.
-
Bild 2 von 3. Il chor è s'endisà vid il dirigent e na lascha betg ir gugent el. Bildquelle: RTR; Gion Hosang.
-
Bild 3 von 3. Umberto Camathias dirigia cun corp ed olma il chor. Bildquelle: RTR, Gion Hosang.
Tenor Umberto Camathias dovria quai in temp, fin ch’in dirigent haja il chor là nua ch’el veglia. Ma il dirigent stoppia era guardar ch’il chor na daventia betg dependent dad el. Perquai è el persvas, che chalar suenter 10 fin 15 onns saja ideal. La fin d’emna dirigia el ses ultims concerts. Fin la fin d’october datti dentant anc intginas occurrenzas profanas ed ecclesiasticas, nua ch’il chor sa preschenta. Tge ch’el fa lura, na sa Umberto Camathias anc betg. Forsa fetschia el in pau pausa per s’inspirar danovamain. Chors che cutizzassan da diriger dettia schon. Ma quai na saja forsa anc betg madir avunda.
Nov dirigent
Sco quai ch’il president dal Chor viril Laax Simon Caviezel di, hajan els gì avunda temp da tschertgar in nov dirigent. La finala hajan els lura gì cletg da chattar cun Remo Arpagaus ina persuna oriunda da Laax che saja pronta da surpigliar il chor.