L’idea da la Crusch Cotschna grischuna è da pussibilitar in barat tranter giuven e vegl. Perquai che la giuventetgna è pli versada en il mund digital è la soluziun dad envidar ad in café digital. Las senioras ed ils seniors possian vegnir cun lur dumondas specificas e la giuventetgna prendia temp e respundia, uschia declera la responsabla da project da la Crusch Cotschna Ladina Simonett. Sumegliants projects èn gia vegnids realisads en auters chantuns. Per vegnir da realisar il project en il Grischun ha la Crusch Cotschna prendì si contact cun la scola evangelica a Schiers e cun il gimnasi da la claustra a Mustér.
Las scolas han reagì positiv sin nossa dumonda da collavurar e las studentas ed ils students han fatg quella lavur voluntariamain.
Bun resun suenter trais giadas
Tant a Mustér sco er a Schiers è il resun bun. Uschia èn tschertas persunas vegnidas pliras giadas. A Schiers èn l’emprim stadas be paucas persunas, persuenter fitg bleras la segunda giada. Els vegnian segir a cuntinuar cun la purschida en quests dus lieus, di il manader da la Crusch Cotschna grischuna Diego Deplazes. Uss valia quai da guardar, quant ditg che la glieud vegn e sch'era persunas dad autras vischnancas vegnan. La finamira saja entant d’engrondir la purschida sin l’entir chantun e nizzegiar la collavuraziun era cun autras scolas medias, per exempel en l’Engiadina ed a Tavau, u er a Glion e Cuira, di Diego Deplazes.
-
Bild 1 von 3Legenda: Ils scolars e las scolaras dal gimnasi da la claustra da Mustér eran motivads da gidar. RTR -
Bild 2 von 3Legenda: Ils scolars e las scolaras dal gimnasi da la claustra da Mustér eran motivads da gidar. RTR
-
Bild 3 von 3Legenda: Las maisas eran plainas e tut tgi che ha vulì ha pudì lascher cusseglier a moda nuncumplitgada. RTR
Giuvenils pon sezs esser scolasts
Dasper l’inscunter sur las generaziuns è la purschida er adattada da dar la pussaivladad a las scolaras ed als scolars da pudair sezs ina giada esser scolasts, di Ladina Simonett. Quai mussian er ils resuns che quai saja in bun sentiment da pudair gidar a moda simpla cun chaussas ch’èn dal tut normalas per la giuventetgna. Il pli bel saja da pudair guardar co il barat sa sviluppeschia, pertge savens dettia era suenter ils cussegls discurs sur dad auters temas tranter giuven e vegl.
La rubrica «Digitip» preschenta mintga glindesdi applicaziuns nizzaivlas, trics cun software e declera terms or dal mund digital.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Or da l'archiv:
Era a Domat han ils giuvens gidà a chapir il telefonin. Tar in workshop organisà da la vischnanca, han ils giuvenils mussà co ins po duvrar endretg il telefonin.
Ad a Domat na gidan betg mo ils giuvenils, era en il center da senioras e seniors «Casa Falveng» vegn mess il focus sin activar ils cussadents e cussadentas.