Quai che s'auda tar la generaziun giuvna tar lur mintgadi, è per la generaziun pli veglia mintgatant anc grev da chapir. Uschia era il diever dal telefonin. Co poss jau scriver e trametter fotografias, co poss jau guardar l'urari dal tren u co segiresch’jau il telefonin?
Buna preparaziun
Tut quellas ed anc bleras autras dumondas han ils seniors e las senioras tranter 70 e 92 onns vulì savair dals giuvenils. Per che quels possian sa preparar optimalmain han ils seniors tramess intginas dumondas gia ordavant. E la finala han ils giuvenils era pudì respunder a las pli bleras.
-
Bild 1 von 3Legenda: Mintga seniora ha survegnì agid dad in scolar RTR -
Bild 2 von 3Legenda: Per la secunda giada ha quest curs da telefonin lieu RTR
-
Bild 3 von 3Legenda: La stanza da scola a Domat é stada bain emplenida RTR
Giuven e vegl profiteschan
Da quest suentermezdi n'han dentant betg mo ils seniors e las senioras profità dentant er ils scolars e las scolaras, manegia la scolasta da scola Michal Hohl:
Els savevan ch'els stoppian forsa avair in zic dapli pazienza e declerar intginas chaussas pliras giadas. Plinavant era discurrer pli plaun e chapibel.
Ed era per las persunas pli veglias èsi stà in'experientscha da laschar s’instruir da giuvnas e giuvens. Quai saja dentant nagin problem, els sappian simplamain ir enturn bain cun la tecnica, manegia ina participanta.
Resun a moda electronica
E ch'il workshop ha plaschì a las senioras ed als seniors na vesan ins betg mo vi da las buccas rientas, dentant era vi dal resun ch'els han dà, sco i s’auda, electronicamain. Numnadamain en furma dad in questiunari online.