Il president dal Cussegl naziunal è stà a guardar ils costums da la tschintgavla classa da Mustér avant il til da tschaiver. Per el saja stà fitg spezial dad esser in tema da tschaiver tar ina classa da scola ed el saja stà fitg surstà cura ch’el ha udì da quai.
Qua po jau be far in grond cumpliment a tuttas scolaras ed a tuts scolars per quai ch'els han fatg e surtut era a las scolastas ed al scolast ch'han gì l'idea e gidà da realisar ella.
Ils uffants èn stads gnervus ed els èn sa legrads fitg da la visita dal pli aut Svizzer. Els han era anc gì la schanza da tschentar ad el dumondas. Quest onn han els anc in project tar il qual els dastgan schizunt visitar Martin Candinas a Berna.
La finamira da la classa è stada d'inscenar la festa ch'igl ha dà il november per Martin Candinas sco pli aut Svizzer. Sper ils costums cun paucs chavels ed egliers han els anc zambregià autras persunas ch'èn stadas preschentas a las festivitads sco schurnalistas e policists.
