La radunanza communala da Trin ha gievgia saira approvà unanimamain il preventiv 2022. Tar expensas da passa 8,1 milluns francs quinta la vischnanca cun in surpli d'expensas da prest 175'000 francs. Ils da Trin han plinavant decis da laschar il pe da taglia tar 100% da la taglia chantunala simpla.
Ultra da quai han las votantas ed ils votants vuschà per adattar l'ordinaziun da la polizia communala. Da nov po quella tranter auter reparter chastis da fin 500 francs empe da 50, sco fin qua.