La giuvna d’Andiast è enconuschenta pervia da ses maletgs da selvaschina, sco tschiervs, chamutschs e chavriels. Ma ses animal preferì è il luf-tscherver.
Mamma ha inspirà e motivà ella
Ella malegia dapi ch’ella possia sa regurdar, di Jessica Spescha che ha 25 onns e lavura sco assistenta en la pratica da veterinari a Sumvitg. Sia mamma haja inspirà e motivà ella.
Malegiar ha accumpagnà mai fin uss adina en la vita e vegn era a star ina part da mai.
Intgins maletgs da Jessica Spescha
-
Bild 1 von 7Legenda: La pictur-artista e ses maletgs realistics mad -
Bild 2 von 7Legenda: La pictur-artista cun in tschierv imposant mad
-
Bild 3 von 7Legenda: Il luf-tscherver è ses animal preferì. mad
-
Bild 4 von 7Legenda: La selvaschina fascinescha mad
-
Bild 5 von 7Legenda: In pitschen animal, ma era imposant mad
-
Bild 6 von 7Legenda: Era il retg da l'aria è in motiv mad
-
Bild 7 von 7Legenda: charezza mad
Maletgs cun acril
Ses motivs principals èn animals. Quels malegia ella cun acril – il bler sin ina taila da glin – a moda realistica cun ina culissa abstracta. Impurtant saja la tensiun e la dinamica.
Auters motivs malegia Jessica Spescha darar – e sche, alura mo sch’insatgi emposta. Er en la pratica capita quai – sch’els stoppian durmentar chauns ubain giats – che las possessuras e possessurs vulan in maletg sco regurdientscha. Ed era chatschadras e chatschaders hajan interess da ses art.
La selvaschina fascinescha mai, perquai ch’ella po viver en libertad.
Jessica Spescha lavura era da temp en temp en in studio da tattoos enta Val. La fin da l’onn veglia ella realisar in atelier, la remisa d’art a Luven. La finamira fiss da viver da l’art u almain da malegiar tant sco pussaivel.