El saja in rimnader, di il Linard Candreia a la raspada da la radunanza generala da l’Archiv cultural Foppa. El surdat a l'archiv rauba ch’el ha rimnà durant tut sia vita.
Linard Candreia ha retschertgà ed era scrit davart ils emigrants sursilvans dals dus tschentaners passads. Uschia surdat el in ordinatur cun publicaziuns e recensiuns davart quel tema.
Surdada da documents ed objects
-
Bild 1 von 2Legenda: Linard Candreia raquinta davart ils objects ch'el ha surdà a l'archiv cultural. RTR -
Bild 2 von 2Legenda: In regal da Linard Candreia a l'archiv cultural Foppa: il cudesch davart la glascha taliana da Luca Caviezel. RTR
Medemamain survegn l’archiv inqual brev originala d’emigrants da la Foppa. Sper quels documents surdat el er ina veglia fotografia che mussa ils emploiads da la firma Caflisch da Napoli. I sa tracta d'emploiads da la «pasticceria» ch’è vegnida fundada il 1825 d’emigrants da Trin. Medemamain regala il scribent ch’abitescha uss a Laufen – Basilea-Champagna – il dicziunari da la scienzia e tecnologia dal «gelato» artisanal. Quai è la bibla da la corifea dals «gelatieri», Luca Caviezel ch’era in descendent d’Alexander Caviezel da Pitasch ch'ha fundà 1900 la «Pasticceria Svizzeraۚ» a Catania.
Il scazi, il pli custaivel tenor Linard Candreia è dentant ina gronda fotografia che mussa il purtret d'in um d'onur cun medaglias ed urdens vi dal pèz. Quai è il purtret da Mathias Murezi Padrun da Sagogn, nobilitad Carnè, ch'aveva fatg ina carriera extraordinaria sco suprem inspectura general da las scolas en il reginam zaristic.
Ils migrants rumantschs èn era tema en il roman da Linard Candreia «Der alte Russ». Uschia vegn la memoria da quels emigrants enavos en lur anteriura patria en furma da bains culturals ed istorgias.
Daco dar ses «scazis» a l’archiv cultural?
Dumandà a Linard Candreia daco ch'el dat ses scazis a l’archiv cultural, manegia el che quai saja l’endretg lieu. L’urden è en ses surchombras a Laufen. E là guardia sulet el mintgatant sin quella rauba ed uss haja quella in access public.
Gist quest ordinatur sur da l’emigraziun savens forsa animar inqualina u inqualin da far ina lavur pli extendida.
En in archiv cultural hajan ins access e possia luvrar cun quels manuscrits, uschia Linard Candreia. Mintga vallada stuess avair in archiv cultural ni insatge sumegliant.
Or da l'archiv