Accumulaziun d’uffizis - Diego Deplazes – tanscha il temp per far tut?
Diego Deplazes è in um engaschà. En plazza cumplaina è el secretari general da la Lia Rumantscha, ma dasperas presidiescha el differentas fundaziuns u fa part al cussegl d’administraziun da quellas ed el sesa sco deputà en il Cussegl grond.
Diego Deplazes è dapi quasi in mez onn secretari general da la Lia Rumantscha. In post principal en il mund rumantsch, uschia vai per represchentar la Rumantschia sin palc naziunal ed internaziunal. La plazzu è perquai er ina plazza cumplaina. Diego Deplazes è dapi il 2018 er deputà en il Cussegl grond per il circul da la Cadi. Er quai in engaschi che dovra bler temp.
Secretari general da la Lia Rumantscha è mia incumbensa principala ed jau m’engasch cun tutta persvasiun.
Engaschi per la regiun e la sanadad
Dasper quels engaschis sesa Diego Deplazes en pliras fundaziuns e s’engascha surtut en favur da la sanadad e la lingua rumantscha.
Per metter tut sut in tetg dovra quai ina buna organisaziun e la finala era la chapientscha da la famiglia.
Engaschis da Diego Deplazes
Avrir la boxSerrar la box
dapi 2021: Secretari general da la Lia Rumantscha en plazza cumplaina
dapi 2018: Deputà dal Cussegl grond
Fundaziuns:
Dapi 2012: Gieri Seelig, Falera
Dapi 2017: Margreta Tuor, Sumvitg
Dapi 2020: Benevol GR
Dapi 2021: Chasa Rumantscha
Uniuns:
dapi 2020: President Uniun Rabius Anavon
dapi 2021: President Uniun Lag Salischinas
Commember dal comité da patrunadi «Rait da sanadad Surselva»
