Il nov directur dal teater da la citad da Cuira, Roman Weishaupt, ha preschentà il program per sia emprima stagiun. Il teater emprovia da sentir il puls da la populaziun da qua e dumondia suenter la convivenza da la societad, hai num en la communicaziun.
L’emprima stagiun sut la direcziun da Roman Weishaupt avra l’october cun la atgna producziun «La Müdada – Die Wende». En quell’ovra sa basa la reschissura Uta Plate sin il roman cun il medem titel da Cla Biert. Il project da teater participativ cun persunas da Cuira e conturn collia lur biografia cun la realitad dal public.
