La val dal Spöl, in'aua restanta sut il mir da serra da las Ovras electricas Engiadina, sto da temp a temp vegnir schubregià per simular ina situaziun natirala. Per regla vegn quai fatg, dapi il 1996, ina giada per onn e quai en collavuraziun cun il Parc Naziunal e scienzads. Ussa èsi puspè stà uschè lunsch: Ils responsabels han laschà ir 25'000 liters aua da la val giu e quai mintga secunda.
Cunquai ch'il Spöl è in'aua restanta ch'ha normalmain adina tuttina blera aua dat quai uschia ina nova dinamica. Quest'acziun lava ora las algas, il material fin e las plantas ch'èn en l'aua.
Tut quai muntia blera energia per in di e quai midia cumplattamain la situaziun ecologica da la val, uschia Lozza plinavant. Cun schubregiar il Spöl vegnia però era adina blera vita en la val. Quest effect saja giavischà. I dettia animals che hajan gugent blera'aua. Quests animals restian enavos e quests animals veglian els era en la val, di Lozza.
Entras l'acziun da schubregiar il Spöl resta però era adina enavos blera glera e crappa. Cundiziuns idealas per ils peschs per metter lur ova l'atun. Uschia na profiteschan betg be ils peschs, mabain era ils pestgaders. La fin dals quints: in'acziun cun blers victurs.