Il Grischun duai daventar la regiun da passlung la pli enconuschenta e populara en l'entir territori alpin. Per sviluppar questa finamira conceda la regenza grischuna a Grischun Vacanzas ina summa da 620'000 francs. Quests daners duain tranter auter gidar a cumbinar singuls products, a purschidas anc pli attractivas. Per realisar il project prevesa Grischun Vacanzas da collavurar cun diversas destinaziuns grischunas ch'han ina ferma spierta dal sport da passlung. Uschia èn quai las regiuns Tavau Claustra, Lai, Engiadina Bassa ed Engiadin'Ota sco er Sedrun Mustér.
Vitiers duai dar ina nova applicaziun digitala cun il num «Nordic-Buddy».
Per l'entir project «Program da svilup graubünden Nordic» vegnan budgetads custs totals da 2,18 milliuns francs.
