Il december 2019 ha la famiglia Raciti Schmid da Zezras survegnì la diagnosa che lur figlia gronda Julia haja il sindrom da Sanfilippo - ina sort Alzheimer d'uffants .
La diagnosa è stada in schoc enorm.
A Julia manca in encim che gida da bajegiar giu cellas nuschaivlas ord il corp. Sco consequenza moran questas cellas e Julia emblida chaussas ch'ella ha enfin ussa savì. Cunquai che questa malsogna è fitg rara n'è la perscrutaziun betg interessanta per l'industria da farmazia. La famiglia Raciti Schmid sto perquai sezza daventar activa ed ha perquai fundà l'uniun «Hope for Julia».
