La sessiun da giuvenils dal Grischun vegn organisada da las partidas giuvnas dal Grischun e duai porscher la pussaivladad da survegnir in'invista nunlianta en la lavur parlamentara. Sper la furmaziun politica duai era star en il center il barat tranter ils participants ed ils politichers giuvens.
![Commember da la sessiun dals giuvenils Noemi RTR](https://www.rtr.ch/static/cms/images/960w/b8fc0e.jpg)
L'occurrenza da dus dis è per giuvenils da 14 fin 25 onns ed è gratuita per ils participants.
Naomi Bundi da Glion è quest onn per l'emprima giada da la partida. Ella è vegnida sur ina amia en contact cun la sessiun da giuvenils dal Grischun. Ella è fitg engaschada.
Ils giuvens èn il futur.
Tar l’annunzia pon ins tscherner ina gruppa da lavur, en la quala ch'ins elavura l’emprim di pretensiuns, che vegnan alura discutadas il segund di en il plenum. Questas vegnan la finala surdadas a la regenza.
![La sessiun da giuvenils RTR](https://www.rtr.ch/static/cms/images/960w/d6e25a.jpg)
Per la preparaziun survegnan ins mintgamai in dossier d’infurmaziuns. Plinavant vegnan envidadas l’emprim di expertas ed experts en las cumissiuns per ch’els possian mussar lur vista davart la tematica. Las gruppas da lavur vegnan tgiradas da voluntaris da partidas giuvnas e da commembers senza partida.
La sonda saira è planisà in program accumpagnant. Las pretensiuns deliberadas vegnan surdadas a la regenza. A l’apero suandant vegnan ultra da quai envidads er tut las politicras e tut ils politichers grischuns.