La regenza ha incumbensà l'Uffizi da sanadad da realisar mesiras per sustegnair meglier las persunas ch'assistan e tgiran lur confamigliars. Las mesiras s'orienteschian a trais accents:
- Sensibilisar la populaziun
- meglierar las cundiziuns per las persunas che sa gidan
- infurmar e sensibilisar meglier patrunas e patruns
La regenza ha prendì enconuschientscha dal plan d'acziun grischun «Sustegn e distgargia per persunas che assistan e tgiran lur confamigliars». Quel vul mussar la muntada da persunas che tgiran lur confamigliars per la societad. Plinavant duai dar mesiras preventivas per rinforzar la cumpetenza en chaussa da la sanadad e d'ademplir l'atgna responsabladad tras burgaisas e burgais. Il chantun vul era crear disposiziuns chantunalas per indemnisar prestaziuns d'assistenza e da tgira.
