Legenda:
Quatter tschiervs da curuna, dus bucs chamutsch e quatter bucs chavriel ha in chatschader sajettà cunter la lescha. (maletg da simbol)
MAD, Uffizi da chatscha e pestga dal Grischun
cuntegn
Seewis - Diesch cas da fraud da chatscha
Tranter il 2014 e 2020 hai dà sin territori da la vischnanca Seewis en il Partenz diesch cas da fraud da chatscha. Ensemen cun la surveglianza da chatscha ha la Polizia chantunala pudì sclerir quels, sco i ha num en la communicaziun. Durant ina interrogaziun ha l'inculpà concedì ses fraud.
Suenter ch'il chatschadur indigen è vegnì traplà l'onn passà d'avair sajettà dus tschiervs da curuna betg lubids, han las investigaziuns purtà a la glisch ulteriurs delicts. Il decurs da las examinaziuns ha l'um da 41 onns confessà d'avair sajettà ils ultims onns ordaifer il temp da chatscha dus ulteriurs tschiervs da curuna, dus bucs chamutsch e quatter bucs chavriel.
Cunter il chatschadur datti uss ina denunzia, cunquai ch'el ha violà la lescha da chatscha.
