191 persunas èn s'annunziadas a la Scol'auta da pedagogia dal Grischun per in studi da master u bachelor. Quai èn damain annunzias sco ils onns passads. Ils davos pèr onns sajan dentant stads onns da record, uschia che las cifras d'annunzia actualas èn tuttina sur la media. In terz da las persunas vegnan ad absolvir il studi per rumantsch ubain taglian.
Las pli bleras annunzias datti vinavant per il studi da scola primara (132). Plinavant dettia 27 annunzias per in studi nov davart pedagogia currativa.
Cun tut en tut 500 studentas e students resta il dumber sin in aut nivel. Quai mussia che professiuns pedagogicas sajan fitg populars – tant tar quels che fan l'emprima scolaziun, sco er tar «midacarieras». Ils davos trais onns è il dumber da studentas e students s'augmentà per var 30%.
Or da l'archiv