Era quest onn èn ils fans da la musica da schlagher s'inscuntrads a Cuira ed han fatg festa cun «Hossamobils» e costums.
Il cortegi da la Schlagerparade a Cuira saja passà senza incaps. Tenor communicaziun da la Polizia da la citad da Cuira saja il concept da segirtad sa cumprovà. Radund 33'000 aspectaturas ed aspectaturas han admirà ils 17 hossamobils ed ils 85 vehichels pitschens.
Organisaturs tiran ina bilantscha positiva
Tenor il president dal comité d'organisaziun, Ezra Buchli, è l'aut numer da visitaders da 33'000 persunas vegnì cuntanschì er grazia a la bun'aura. L'onn passà è la parada stada visitada plitost mal pervia da la trid'aura e las temperaturas bassas. Er durant il tir n'hai dà naginas pannas pli grondas.
Las festivitads han cumenzà venderdi cun ina saira svizra. La sonda ha il motto: «ils selvadis onns 70 ed 80». Tranter auter è era Guildo Horn da la partida.
La Schlagerparade è ina da las pli grondas occurrenzas a Cuira. Gia sis mais avant èn quasi tut ils hotels a Cuira occupads cumplettamain. Fin 30'000 visitaders e visitadras vegnan mintg'onn a Cuira per far festa. Ils blers èn vestgids sco ils onns 60, 70 ed 80.
