La regenza duai far attent rigurusamain la politica federala sin ils problems cun il luf en il Grischun. Ensemen cun auters chantuns muntagnards duai la regenza auzar il squitsch per chattar ina soluziun gia sin la proxima stad.
Quai pretenda il Cussegl grond suenter ina discussiun generala davart la situaziun problematica dals lufs en tschertas regiuns grischunas. Dà il stausch a la discussiun aveva il deputà e pur Gian Michael (PBD, Donat) cun pliras dumondas a la regenza.
Dacurt ha il Cussegl federal preschentà ina proposta co regular ils lufs damai che la Svizra ha refusà la lescha da chatscha l'onn passà. Enfin ils 5 matg pon partidas ed organisaziuns anc prender posiziun.
