L'exposiziun professiunala grischuna Fiutscher è ida a fin cun in dumber da record, scriva l'Uniun grischuna d'artisanadi e mastergn. Durant ils tschintg dis d'exposiziun han en tut passa 16'000 persunas visità l'exposiziun, tranter quellas var 4'000 scolaras e scolars sulet durant ils emprims trais dis d'exposiziun.
L'engrondiment da l'exposiziun sco era las novaziuns sajan sa cumprovadas. L'Uniun grischuna d'artisanadi e mastergn sco organisatur da Fiutscher tira ina bilantscha positiva da la 7avla exposiziun da professiuns dal Grischun.
Ils expositurs han prestà ina excellenta lavur. La qualitad da l’exposiziun s’augmenta dad onn ad onn.
Sper classas da scola e famiglias han era pli savens creschids visità la messa per scolaziuns e furmaziuns supplementaras. Ella ha purschì tenor il president dal comité d'organisaziun Rico Cioccarelli in grond eveniment per giuven e vegl. En tut han var 300 emprendistas ed emprendists sco era spezialistas e spezialists professiunals tgirà mintga di ils stans.
La proxima Fiutscher è il november 2025.
