La regenza ha infurmà davart sia vista sin las structuras communalas grischunas:
- Il stadi da las vischnancas fusiunadas saja bun. La regenza sa basa sin ina metoda da la Scol'auta spezialisada dal Grischun cun differents indicaturs. Tranter auter vai per il stadi finanzial ed organisatoric. Las populaziuns sajan cuntentas cun la fusiuns.
- La davosa refurma territoriala saja gartegiada, cun quai conferma la regenza ses davos rapport en chaussa.
- Per il conto per il retgav or da la vendita da terren na dettia nagina giustificaziun pli. En quel vegnan entradas da la vendita da terren da la vischnanca. Tenor la regenza possian las vischnancas en il futur dastgar desister da quai e duvrar ils daners en il conto.
- En general sajan las finanzas da las vischnancas bunas.
Il rapport tracta la midada da structuras dals davos dus decennis e vegn uss suttamess al Cussegl grond. La regenza desista da proponer midadas da lescha u strategia, I dettia dentant tschintg dumondas che pertutgan la strategia en il futur.
