L’onn da fatschenta ha preschentà sbittadas istoricas en il sectur d’energia e fitg pauca precipitaziun. Tuttina ha la Repower pudì augmentar la svieuta per 46% sin 4,7 milliardas francs. Da quai restan 46 milliuns sco gudogn, 2% damain ch'anc l'onn 2021. Uschia propona il cussegl administrativ ina dividenda da tschintg francs.
Producì damain energia
En summa ha la Repower producì 27% damain energia (2’138 uras gigawatt). Quai per part pervi da l’aua ch’ha mancà sco er per tegnair enavos reservas per la Confederaziun. Ultra da quai han las revisiuns dals implants a Campocologna e Robbia reducì la producziun.
Medemamain sa reducida è la producziun dad energia da vent (141 uras gigawatt, -10%) e termica (858 uras gigawatt, -24%). Augmentà ha la Repower dentant la producziun d’energia solara e quai per gist 55% sin 50 uras gigawatt.
Dapli collavuraturas e collavuraturs
Malgrà tuttas sfidas ha l’interpresa pudì augmentar il dumber da collavuraturs e collavuraturas sin 629 persunas, quai correspunda a plus 4%. Ultra da quels fatschenta la Repower 35 emprendistas ed emprendists.
Per l’onn current quinta Repower vinavant cun grondas turbulenzas als martgads d’energia.
Survista da las cifras
| En milliuns francs | 2022 | 2021 | midada |
|---|---|---|---|
| EBIT (resultat operativ) | 82 | 82 | – |
| Gudogn da la gruppa | 46 | 47 | -2% |
| Svieuta | 4'745 | 3'255 | +46% |
| Agen chapital | 876 | 883 | -24% |
| Quota d'agen chapital | 29% | 22% | +32% |
| Investiziuns | 89 | 104 | -14% |
