Ils Servetschs psichiatrics dal Grischun porschan in nov servetsch d'urgenza per problems psichics tar il Waldhaus a Cuira. Quel servetsch porscha tranter auter intervenziuns da crisa ubain cussegliaziun da confamigliars. Uschia duai dar in post d'agid nuncumplitgà per persunas cun problems psichics. Il servetsch sin l'areal da la clinica Waldhaus avra il prim da fanadur ed è averta mintga di, da las 8 la damaun fin las 8 la saira. Ina annunzia na dovria betg.
Vitiers vegn il tractament a chasa schlargià era per il temp tranter las 8 la damaun e las 8 la saira. Quest augment cumenza era il prim da fanadur l'emprim en la Val dal Rain Grischuna ed en la Tumleastga. En Surselva duai il servetsch cumenzar a partir dal settember. Per l'Engiadina è quai planisà per l'enviern 2024/2025.
