Per il surmiran datti uss in program da correctura ortografica. En il rom dal project «Programs da correctura ortografica rumantscha» lantschan la Pro Svizra Rumantscha e la Lia Rumantscha in nov «spellchecker», in program per curreger texts scrits cun e sin il computer. Quai communitgeschan las duas organisaziuns. Il product final principal dal project duain esser sis programs da correctura – per ils idioms e rumantsch grischun – che pon vegnir integrads en differents sistems operativs e programs. Sustegnì finanzialmain il project ha l'Uffizi federal da cultura.
