Suenter onns en differents lieus sco Turitg, Napoli, Tunesia, America dal Sid, Paris e Buenos Aires è Fadri Cadonau turnads enavos en sia patria a Glion. A Duvin ha el chatta ina localitad per ses atelier. L'artist da 29 onns gaudia dad esser enavos en in conturn pli quiet.
Sin viadi e da viver en las metropolas ha il giuven da 28 onns era chattà inspiraziun per sias ovras. Uschia ha el era creà ovras ord chaussas ch'el ha chatta per exempel a Paris u a Buenos Aires.
Il pli gugent laschass jau discurrer mias ovras per sa sezzas.
Ina chasa ord barricada da plazzals
A Buenos Aires ha Fadri Cadonau abità tar in bun ami. Tras quai ha el vis la realitad da las vitas en la metropola. Ils custs da viver creschan e las pajas restan tuttina. Sin via ha el chattà diversas barricadas da plazzals ch'ils lavurers avevan laschà enavos. Ord quels ha el creà ina pitschna chasa amez la via sin ina cruschada.
En il museum d'art a Cuira era exponì ina chasa ch'el ha bajegiar ord gep. En quella chasa è da vesair il film da la chasa da barricadas a Buenos Aires – in'ovra che ha plaschì bain als responsabels per il premi d'art. Els descrivan sias ovras sco «poeticas ed engaschadas», per il pli pauc spectacularas, ruassaivlas, fitg esteticas e cun guardar pli precis vesian ins adina cuntegn che tematisescha dumondas existenzialas, da la societad u politics.
Or da l'archiv
Tge fatschenta artists giuvens ch’èn creschids si en nossas regiuns muntagnardas? Quai era la dumonda dad ina exposiziun dal onn 2020 a Laax. Er Fadri Cadonau ha preschentà in'ovra.