Enfin qua han ins emprendì en scola sco emprim ils singuls bustabs. Pli tard la scrittira liada. Cun il temp han ins lura sez inventà l'agen stil e l'atgna scrittira.
Tge è ussa nov?
Cun la nova scrittira da basa, ch'ins emprenda dapi in onn en scola, duess'ins vegnir pli svelt e pli direct tar l'atgna scrittira individuala che duai medemamain meglierar la scrittira dals scolarets.
Ils scolars emprendan en l'emprima classa ils bustabs da basa senza firlefanzas.
En la segunda classa emprendan els il bustabs cun firlefanzas e crutschs.
En la terza classa emprendan ils scolars da liar ils bustabs. Dentant be als lieus che fan senn.
Edith Ulber, dal servetsch Ortopedagogic dal Grischun, declera nua che la colliaziun dals bustabs fa senn cun l'exempel dal pled tudestg «Saal».
RR actualitad 08:00