Ins haja pudì profitar da las experientschas en auters pajais. Vinavant hajan ins gì in pau dapli temp. Uschia saja er gartegià da preparar il sistem da sanadad e surtut da betg surchargiar el.
I dettia en il stab da crisa chantunal intgins scenaris pussaivels, quels na sajan dentant betg madirs. Peter Peyer spera, che las cifras sa sviluppian vinavant sco ils ultims dis.
Ier ha la Confederaziun prolungà las mesiras encunter il coronavirus. Quai per in'emna. Ellas valan uss fin ils 26 d'avrigl.
