L'hotellaria en il Grischun ha nudà il mars bunamain 563'000 pernottaziuns, quai che munta in minus da prest 17% cumpareglià cun la medema perioda da l'onn passà. Quai scriva l'Uffizi per economia e turissem dal Grischun.
Sch'ins cumpareglia cun la media dals davos tschintg onns, hai dentant dà 1,6% dapli pernottaziuns. Guardà sin ils davos trais mais èsi in minus da 1% cumpareglià cun l'onn passà.
En l'entira Svizra èn las pernottaziuns s'augmentadas per 4,3% sin passa 3,1 milliuns.
