L'Ospital chantunal dal Grischun bajegia in nov edifizi per producir medicaments. Il motiv é, che il labor actual è vegnì en ils onns, numnadamain èn ils indriz enturn 25 onns vegls. La Regenza ha garantì ina contribuziun d'investiziun da trais milliuns francs per in nov lieu da producziun da farmazia. La contribuziun vegn garantida cun la resalva, ch'il credit vegnia approvà dal Cussegl grond. Ils custs totals per la construcziun dals novs locals muntan a bunamain tschintg milliuns francs.
Las stretgas dal provediment da medicaments s'augmentia sin l'entir mund. Oravant tut tar medicaments cunter cancer, medicaments per uffants e vaccins. Blers medicaments na vegnian era betg pli producì da las interpresas grondas, ord mancanza da profit. Plinavant sajan era medicaments cun dosas individualas. L'Ospital chantunal ha ina clinica d'uffants sco era in partiziun d'oncologia, e quels dovran quests medicaments a curta vista en buna qualitad. En vista a las stretgas globalas dal provediment saja l'atgna producziun da medicaments tras l'Institut per farmazia d'ospital da l'Ospital chantunal indispensabla. Vitiers èsi in avantatg, cun quai che l'Ospital chantunal dal Grischun producescha medicaments per l'entir chantun. Tranter auter per ospitals regiunals, per apotecas e per clinicas.
