Il triep da lufs en la part sura da la Mesolcina è sa reproducì per la segunda giada. Glindesdi hajan ins pudì observar 4 luffins en la regiun tranter Mesocco e San Bernardino, eventualmain haja anc dapli luffins, ha communitgà l'Uffizi da chatscha e pestga.
L'avis hajan ins survegnì d'ina persuna privata. Gia l'onn passà avevan ins pudì confermar en la regiun luffins, quai grazia ad ina trapla fotografica. La situaziun na saja betg privlusa, di l'Uffizi da chatscha e pestga.
