Pendicularas grischunas - In zic dapli giasts il schaner ch'avant in onn

Las pendicularas grischunas han nudà in zic dapli giasts il schaner. Cumpareglià cun il medem temp da l'onn passà è il dumber creschì per 1,1%. La svieuta è però ida enavos per 3,3%, sco ch'i ha num en la communicaziun. En vista a la mancanza da naiv ed als buns resultats da l'onn passà sajan ins perquai fitg cuntent cun il schaner. Las differenzas tranter las regiuns èn però grondas. Il pli fitg han profità l'Engiadin'Ota e l'Engiadina bassa – e quai tant tar la svieuta sco er tar ils giasts. Tar las ulteriuras destinaziuns èn las cifras però dapertut stadas sut quellas da l'onn passà. Il pli grond minus da giasts han nudà la Surselva ed il Grischun central.