Mez december avra la «Graubünden Vivonda SA» sia emprima butia. A partir da lura datti da cumprar products regiunals or dal Grischun en il pausadi Heidiland. Ina segunda butia, e dasperas in manaschi da producziun ed in spazi da divertiment, planisescha la firma sco gia enconuschent a Jenaz en il Partenz.
La «Graubünden Vivonda SA» sviluppa cun la marca «Graubünden Viva» products, vul avrir ulteriuras butias e distribuir products regiunals grischuns. Il chantun e la Confederaziun sustegnan il project cun passa in milliun francs.