En Grischun dettia in ulteriur triep da lufs. Quai ha l'Uffizi per chatscha e pestga communitgà la gievgia. I sa tracta dal 10avel triep en il chantun. Il triep saja dachasa en ils conturns da Jenaz en il Partenz.
Ils 7 da settember haja in chatschadur en il territori da Jenaz observà in chagniel da luf. In di pli tard haja il medem chatschader observà ina gruppa cun dus animals creschids e 4 giuvens. Il triep ha survegnì il num «Glattwang Rudel».
Chagniels tar triep da Muchetta
Plinavant ha la surveglianza da chatscha observà, ch'il triep da Muchetta haja survegnì pitschens. L'Uffizi da chatscha e pestga scriva dad almain quatter lufs pitschens.