E la situaziun chattada tar in cadaver laschia perfin supponer – ch'i sa tractia da dus lufs. Uschia ha il survegliader da chatscha da la regiun infurmà ier il cussegl da vischnanca da Claustra. Observà lufs hajan ins l'emprima giada avant duas emnas.
La vischnanca da Claustra cusseglia uss da procurar ch'il luf stettia uschè lunsch davent da territori abità, sco pussaivel. Pledentads èn cunzunt purs e puras. Animals da niz duain ins laschar sur notg en stalla. Chauns da protecziun u saivs spezialas na sajan fin uss betg stà tema a Claustra. Impurtant saja uss dentant d'infurmar a moda suffizienta per che la protecziun saja garantida.