La vita ad alp fascinescha cun romantica, ha dentant er bleras sfidas. Il Telesguard ha accumpagnà la stad da l'onn 2005 la signuna da l'alp Ramosa.
Dunnas ed uffants
Sco quai ch'ils Cuntrasts han gia mussà pliras giadas, n'è l'alp betg sulettamain in lieu per umens. Er dunnas ed uffants van ad alp.
Sur cunfins – dunnas ad alp mussa ils purtrets da duas dunnas che van ad alp.
Up in the Sky: La vita ad alp è ina vita en in auter mund – in pau pli datiers dal tschiel. Braida, 8, Marchet, 6, e Jon, 3, passentan la stad cun lur geniturs Anna Mathis e Riccardo Nesa sin l'Alp Gün en Val Stussavgia. Là vivan els cun la gidantra Aita, 48 vatgas, 10 portgs, 5 giaglinas, il chaun e millis mustgas.
Aventuras
Mes reginavel per ina chaura: Danièle e Pascal Favre da Neuchâtel han avant bundant 30 onns decidì dad ir en il Tessin ad allevar chauras. Cunquai ch'in dad els dus sto star en la Bassa e mo in po ir ad alp ston Danièle e Pascal vegnir a frida cun ina separaziun pli lunga durant la stad.
Fenga – sur flums e pass: Onn per onn mainan pasters austriacs var 250 arments da muvel sitg da Sent sur il Cuolmen d’Fenga. La finamira: las pastgiras largias e frestgas da la Val Fenga. Tar quest passagi che maina sur 2’610 m.s.m. è la muaglia da viadi bunamain 10 uras.
Dasper questas istorgias chattais qua sut er inquala impressiun da nursas, chavals e vatgas.
Il luf – nova sfida da gronda muntada
Dapi intgins onns datti ina nova sfida sin las alps che fatschentan pli e pli fitg ad alp. Il luf è enavos en il Grischun e sa derasa cunzunt en l'autezza. Cun chauns da protecziun, saivs, sajettar e schizunt dronas fan ins frunt a l'animal da rapina. Bleras emoziuns e discussiuns datti – la schliaziun tenor recept na datti anc betg.
#nossaistorgia
Sin la plattafurma nossaistorgia sa chattan blers bels documents che documenteschan la vita sin las alps grischunas. Là pudais vus guardar impressiuns ed er chargiar vossas atgnas fotografias e voss videos che vus avais da las alps.