Il numer da las fossas classicas diminuescha. Blers tschertgan lur ruaus perpeten ordvart ils mirs dal santeri u laschan sa cremar. Uschia datti plaz – che vegn nizzegià sco tschispet. Senza gronda valur ecologica.
La citad da Cuira ha transfurmà il santeri d’uffants en in’oasa cun dapli biodiversitad. Dapli flurs, dapli aua. Ord in lieu quiet ma «monoton» è daventà in lieu plain colurs e cun dapli vita. Il potenzial per talas adattaziuns crescha – e savess midar a lunga vista la funcziun dals santeris en in spazi pli ritg en tut ils reguards.
- Dapli dal project «Missiun B» .
- Registrai Vossa surfatscha biodiversa sin missiunb.ch .
- As participai a nossa gruppa sin Facebook .