Miniera en Val Schons - La staziun da la pli veglia pendiculara grischuna è sanada
Las lavurs da sanar la staziun da muntogna da la pli veglia pendiculara dal Grischun èn terminadas. La pendiculara vegniva duvrada per transportar il crap cun en il metal. En la renovaziun èn vegnids investids 113'000 francs.
La pendiculara Gruobas è vegnida construida l'onn 1866 da la societad da minieras Val Sassam Mines Company. Da quest temp aveva l'industria da miniersas conjunctur'auta en la regiun da la Viamala. La staziun da muntogna da l'anteriura pendiculara è ina perditga istorica che regorda a las stentas dals miniers.
audio
Metal ord las muntognas
04:10 min, ord Actualitad dals 28.09.2022.
laschar ir. Durada: 4 minutas 10 Secundas.
Investì dapli che 100'000 francs
Il mantegniment da quest monument istoric è stà en privel, cun quai che pliras parts dal mir eran gia ruts. Grazia l'acziun d'agid ch'ha custà 113'000 francs, saja gartegià da mantegnair il monument per l'avegnir. Quai ha ditg Johannes Mani, il president da l'uniun minieras Rain Posteriur. Agid finanzial ha l'uniun tranter auter survegnì dal chantun, agid organisatoric hai dà dal Parc Beverin.
Il Grischun è stà lieu impurtant da minieras
Ch'il Grischun era anc avant 150 onns in lieu impurtant per l'industria da miniera è oz prest emblidà. I vegniva bajegià giu fier, argient ubain era mangan. Ils guauds eran prest svanids perquai ch'i duvrava bler laina per stgaudar las pignas per luar ils metals. Oz n'è da questa veritabla industria restà prest nagut pli. Mo qua e tscha miraglia. Uschia era da la pendiculara, ch'è fitg probabel la pli veglia dal Grischun. La pendiculara da las «Gruobas Ursera» che sa chattava sur Ferrera.
L'uniun Minieras Rain Posteriur ha finì las lavurs per mantegnair il fundament da questa pendiculara. Quella vegniva duvrada per transportar il crap cun en il metal da las minieras gist sut la muntogna enfin a Ferrera, nua ch'il metal vegniva elavurà. Davent da las differentas gallarias da minieras (ch'èn per part oz anc accessiblas sin ina tura guidada) vegniva la crappa transportada sin binaris tar la staziun da muntogna. Quella funcziunava senza forza electrica, mo cun la paisa da la crappa vegniva ella messa en funcziun.
1 / 15
Legenda:
Vista davent da l'anteriura staziun da muntogna.
Federico Belotti
2 / 15
Legenda:
Durant las lavurs da construcziun.
Federico Belotti
3 / 15
Legenda:
Durant las lavurs da construcziun.
Federico Belotti
4 / 15
Legenda:
En ina gallaria ch'è anc accessibla, nua ch'i vegniva explotà minerals.
Federico Belotti
5 / 15
Legenda:
Tar l'anteriura staziun da muntogna sur Farera en Val Schons.
Federico Belotti
6 / 15
Legenda:
Johannes Mani, il presdient da las mineras Rain Posteriur.
Federico Belotti
7 / 15
Legenda:
En ina gallaria èn anc da vesair lingias d'aua da pli baud fatgas or da lain.
Federico Belotti
8 / 15
Legenda:
Qua era francada ina pitga da lain da l'anteriura pendiculara.
Federico Belotti
9 / 15
Legenda:
L'anteriura staziun da muntogna sur Farera en Val Schons.
Federico Belotti
10 / 15
Legenda:
En ina gallaria nua ch'i vegniva explotà minerals da manaivel da l'anteriura staziun da muntogna da la pendiculara.
Federico Belotti
11 / 15
Legenda:
Johannes Mani, il presdient da las mineras Rain Posteriur.
Federico Belotti
12 / 15
Legenda:
Tranter la miniera e la staziun da muntogna da la pendiculara passavan pli baud binaris per transportar crappa cun charrins da crappa.
Federico Belotti
13 / 15
Legenda:
L'anteriura Schmelzi a Farera.
Federico Belotti
14 / 15
Legenda:
Qua devi pli baud in alloschi per ils miniers, quai è da manaivel da l'anteriura staziun da muntogna da la pendiculara.
Federico Belotti
15 / 15
Legenda:
Qua a Farera giun val vegniva la crappa pli baud elavurada.
Federico Belotti
Legenda:
In dissegn che mussa la lavur da miniers avant tschientaners.
RTR, Casper Nicca
