La regenza grischuna metta la basa per che las scolas autas dal chantun po far frunt a las sfidas futuras e per pudair promover ellas en l'avegnir. Ella ha deliberà la missiva per la revisiun parziala da la lescha davart las scolas autas e la perscrutaziun. La revisiun è impurtanta per che las scolas autas grischunas pon sa far valair aifer la concurrenza naziunala ed internaziunala. Resumà vai per dar dapli cumpetenzas da decider a las scolas autas. Puncts contrets èn:
- Ils cussegls da la Scol'auta specialisada dal Grischun (FHGR) e da la Scol'auta da pedagogia (PHGR) duessan da nov dastgar decider en atgna reschia davart novs studis en il rom da lur profils.
- La regenza duai pudair lubir studis en novs secturs/roms.
- Il chantun duai pudair iniziar u promover cun atgnas mesiras il barat da savida tranter las scolas autas.
- Las ordinaziun dal Cussegl grond dal 1970 tenor la quala la Scol'auta teologica è accreditada sco instituziun universitara tenor dretg federal duai vegnir integrada en la lescha chantunala davart las scolas autas e la perscrutaziun.
Malgrà dapli cumpetenzas e libertads duai il profil principal da la Scol'auta da pedagogia restar tar la scolaziun e furmaziun da magistraglia cun studis da bachelor e master. Il profil principal da la Scol'auta specialisada dal Grischun duai restar en la tecnica ed economia. Quai munta che las scolas autas duessan dan nov bain dastgar stgaffir novs studis er ordaifer da lur profils, sco p. ex. in studi da scol'auta en la tgira a la FHGR. Quels studis duain però esser en l'interessa da l'ecnomia grischuna e la regenza sto lubir els.
Il Cussegl grond tracta la missiva durant la sessiun da zercladur. Previs èsi che la lescha revidida cun las midadas va en vigur sin il prim da schaner 2025.
Or da l'archiv:
