Il nov semester (che cumenza ils 18-09-2023) porta 18% dapli studentas e students a la Scola auta spezialisada dal Grischun. Cun 674 studentas e students novs che fetschian il bachelor respectivamain il master consecutiv, sa midia puspè la tendenza suenter dus onns ch'ils dumbers èn sa reducids, hai num en ina communicaziun.
Da las persunas immatriculadas da nov, sajan 19% dal Grischun. 53% sajan dunnas. Per l'emprima giada cumenzian 39 studentas e students il studi da master consecutiv «Digital Communication and Creative Media Production», ina purschida en cooperaziun cun l'Universitad da Friburg.
