Sepp Föhn resta president communal da Landquart. Il suveran da Landquart ha reelegì l'um da 60 onns. Tar ina participaziun da 31%, ha el survegnì 88% da las 1'309 vuschs valaivlas.
Il politicher da la PCD è gia dapi il 2005 en la suprastanza communala, dapi il 2015 sco president. Da lezzas uras aveva el gudagnà il cumbat electoral per il presidi cunter Agnes Brandenbuger da la PPS. Sper ses engaschament en la vischnanca da Landquart politisescha Föhn dapi il 2018 en il Cussegl grond, nua ch'el è en la cumissiun da gestiun. Plinavant è Sepp Föhn dapi il 2006 manader da fatschenta da la Landi Grischun SA.
audio
Per tadlar curt e cumpact
ord Novitads dals 09.02.2020.
Maletg: RTR
laschar ir. Durada: 26 Secundas.
RTR votaziuns 12:00