Cun ina glista principala ed ina glista dals giuvens vul la partida Verda persvader en il cumbat electoral da quest onn. La glista principala consista plitost da las persunas gia pli versadas, e la glista giuvna cun engaschadas activistas ed activists da l'ambient - sco il copresident da la partida Verda Nicolas Zogg di.
Sisum la glista principala stat Anita Mazzetta, la deputada dal Cussegl grond e mainafatschenta dal WWF Grischun. Ella ha già candidà dal 2019 per il Cussegl naziunal.
Sisum la glista dals giuvens e da las giuvnas è Celine Hulliger. Cun ses 17 onns è ella la pli giuvna candidata da las duas glistas. Ella è fitg motivada per la candidatura e vul cuntanscher la populaziun giuvna.
Dal 2019 ha la partida Verda fatg ina Allianza dal clima cun la PS ed ils Verdliberals. Quai saja era quest onn il giavisch. Schebain quai vegn anc ina giada a dar questa allianza, n'è dentant anc betg cler.
Nossa finamira è da survegnir uschè bleras vuschs sco pussaivel e segirar il segund sez da l'Allianza dal clima.
| GLISTA PRINCIPALA | GLISTA GIUVNA |
| Anita Mazzetta, Cuira | Celine Hulliger, Ruschein |
| Simon Gredig, Cuira | Gabriel Reiber, Cuira |
| Anna Gredig, Thalkirch | Agrena Schuler, Malans |
| Nicolas Zogg, Scharàns | Gianna Catrina, Haldenstein |
| Armando Lenz, Rodels | Loris Niethammer, Cuira |
