Massa larmas da plaschair èn culadas tar Jasmine Flury dapi ses di dad aur, ils 11 da favrer a Méribel. Tut quai ch'è capità dapi lura saja ina sort film che va in cuntin en ses chau, ha la skiunza da 29 onns ditg en il Sportpanorama da SRF. Campiunessa mundiala, il pli grond siemi è ì en vigur.
Festa en la patria
In di suenter la gronda victoria èn quels e quellas da Monstein e conturn sa rimnads avant il Veltlinerstübli per beneventar la campiunessa mundiala. Tranter las bi e bain 300 persunas er dus anteriurs skiunz da Tavau: Andreas «Söre» Sprecher ed Ambrosi Hoffmann.
Curt avant las 19:00 è Jasmine Flury arrivada cun ina charrotscha sin il Plaz. La medaglia d'aur enturn culiez e la fatscha traglischanta. Ella haja durmì quasi nagut l'ultima notg, ed er questa notg na vegnia ella probabel betg a survegnir ina massa sien. Ma ella veglia ussa simplamain giudair l'atmosfera. I saja incredibel bel da vesair quant blera glieud che sa legria cun ella.
Bainvegni sco sauda per la campliunessa mundiala
-
Bild 1 von 13. Arrivada en la patria. Bildquelle: RTR/GIANA MARIA CANTIENI.
-
Bild 2 von 13. La campiunessa mundiala è in idol per ils giuvens e las giuvnas. Bildquelle: RTR/GIANA MARIA CANTIENI.
-
Bild 3 von 13. Jasmine Flury dat autograms als fans giuvens. Bildquelle: RTR/GIANA MARIA CANTIENI.
-
Bild 4 von 13. Grond mument per Flury. Bildquelle: SRF.
-
Bild 5 von 13. Tut va sut sura – intervista suenter l'arrivada. Bildquelle: RTR/GIANA MARIA CANTIENI.
-
Bild 6 von 13. Finalmain arriva la campiunessa mundiala a Tavo Monstein. Bildquelle: RTR/GIANA MARIA CANTIENI.
-
Bild 7 von 13. Tuts che pon strusch spetgar l'arrivada da Jasmine Flury. Bildquelle: RTR/GIANA MARIA CANTIENI.
-
Bild 8 von 13. Gia ina massa glieud ch'è sa radunada per beneventar Jasmine Flury. Bildquelle: RTR/GIANA MARIA CANTIENI.
-
Bild 9 von 13. Philipp Wilhelm il landamma da Tavau. Bildquelle: RTR/GIANA MARIA CANTIENI.
-
Bild 10 von 13. L'anteriur sikunz Ambrosi Hoffman è arrivà per gratular. Bildquelle: RTR/GIANA MARIA CANTIENI.
-
Bild 11 von 13. Andreas «Söre» sprecher, anteriur skiunz è vegnì per gratular. Bildquelle: RTR/GIANA MARIA CANTIENI.
-
Bild 12 von 13. Ils fans sa rimnan per beneventar Jasmine Flury. Bildquelle: RTR/GIANA MARIA CANTIENI.
-
Bild 13 von 13. Biera duess esser qua avunda per la festa. La bieraria Monstein dat ora biera libra quella saira. Bildquelle: RTR/GIANA MARIA CANTIENI.
Ils 11 da favrer ha la skiunza da 29 onns fatg la cursa da sia vita a Courchevel/Méribel. Ella è l'emprima Grischuna insumma che gudogna il titel da campiunessa mundiala en la cursa rapida. Suenter la sensaziun èn il club da fans, la fracziun Monstein, la vischnanca da Tavau, Monstein Bier, Pro Monstein e natiralmain il club da skis Rinerhorn sa radunads per organisar ina gronda festa da bainvegni per Jasmine Flury.