L'intelligenza artifiziala è dapertut. Er per Martin Vincenz da Grischun Vacanzas è l'intelligenza artifiziala insatge cun grond potenzial e bleras schanzas. A chaschun dals dis da turissem ad Arosa ha l'organisaziun envidà la branscha per discurrer da las schanzas e da las sfidas.
Per Roger Basler de Roca, expert per dumondas d'intelligenza artifiziala èn las schanzas en il mintgadi turistic evidentas. I giaja adina per simplifitgar – er las vacanzas.
Schanza gea – dentant esser precaut
Manuel Altermatt, manager engineering da google è natiralmain in grond amatur da l'intelligenza artifiziala. Sco Basler de Roca è er Altermatt d'entant da l'avis ch'i dovra in s'occupar intensivamain cun dumondas che l'intelligenza artifiziala chaschuna a la societad. I saja cler che, nua ch'i dettia pussanza – ed il mund digital saja pussant – saja er d'esser fitg attent.
