Curt avant che la vernissascha cumenza, è Leo Jeker vi dal telefon. Amis telefonan per dir ch'els na possian betg vegnir a sia producziun. Il motiv è la navada, la cuntrada è alva ed i naiva sco da mez unviern.
Buchungsschnee, nenne ich den Schnee im November.
El che vala sco il grond pionier da la naiv artifiziala, che ha mess en moviment chanuns da naiv en il Grischun cura che quai era anc insatge exotic. Leo Jeker ha lavurà passa in mez tschientaner per e tar las pendicularas da Savognin, è dentant era stà activ en blers auters secturs. Far uschè bler saja adina sulettamain stà pussaivel cun blers auters ensemen, di l'um che ha passà ils 80 onns.
L'idea da far in cudesch hajan pliras persunas en ses conturn ed or da la famiglia gì. «Sche far quest cudesch, lura ussa» haja el pensà. Ensemen cun Jano Felice Pajarola ch'è l'autur dal cudesch hai lura dà blers inscunters per rimnar tut las staziuns ed istorgias ord la vita. «Il pli fitg ha fatg surstar mai quant bler che Leo Jeker ha fatg en sia vita» ha l'autur ditg sin dumonda. I na saja betg stà pussibel d'integrar tut.
