La delegaziun da var 80 persunas, diplomats e diplomatas accreditadas en Svizra maina sco emprim tar la firma Hamilton a Domat, in'interpresa per tecnica medicinala ch'è activa sin l'entir mund. Suenter suonda ina visita dal vitg idillic da Heidi a Maiavilla. Il viadi vul mussar il Grischun sco lieu turistic e plazza economica da numerus concerns internaziunals, dentant era sco lieu ideal per cumbinar la lavur e la vita privata.
La tura finescha cun in retschaviment uffizial da la regenza grischuna, cun Jon Domenic Parolini e Marcus Caduff, en il Center da furmaziun e cussegliaziun agricula Plantahof.
