Ils 11 da matg dastgan ustarias puspè avrir e cura che lezzas avran fa er il turissem in pass en direcziun normalitad. Uschia saja pussibel da planisar, di il CEO da Grischun Vacanzas Martin Vincenz:
Sco proxim stoppian ins elavurar las purschidas adattadas a la situaziun e communitgar quellas. Ils giasts stoppian savair tge purschidas ch’i dettia nua. Dumondas avertas dettia dentant anc adina, per exempel pertutgant il manaschi da las pendicularas. Là spetgia la branscha da turissem anc sin respostas dal Cussegl federal.
